Pulitikal na Dinastiya (Tagalog)

"The exploiters inevitably transform the state (and we are speaking of democracy, i.e., one of the forms of the state) into an instrument of the rule of their class, the exploiters, over the exploited. Hence, as long as there are exploiters who rule the majority, the exploited, and the democratic state must inevitably be a democracy for the exploiters... Another truth: there can be no real, actual equality until all possibility of the exploitation of one class by another has been totally destroyed." 

 - Vladimir Lenin, Political Equality (1918)

Sa ilalim ng Konstitusyon natin Artikulo II, Seksyon 26 nakasaad: “The State shall guarantee equal access to opportunities for public service and prohibit political dynasties as may be defined by law.”

May mga depekto kung bakit nagkakaroon at namimintina ang Political Dynasty sa bansa natin.

Ang unang depekto nito ay ang napakataas na pagkakalayo-layo ng bahagdan ng uri sa ating bansa

Ang ikalawa ay nasa Konstitusyon.

At ang ikatlo ay ang sistemang pulitikal o ang struktura ng pamahalaan.

Ang pagbabawal sa Dinastiya sa Pulitika ay nakabase sa ating Konstitusyon ngunit hindi ito binigyan ng tumpak o eksaktong kahulugan.  Sa madaling salita, kailangan pang gumawa ng batas ang Kongreso upang mabigyan ito ng sapat na kahulugan kung sa gayon ay tuluyan na maipagbawal ang ganitong praktika sa pamumulitika sa ating bansa. Noong nakaraan may isang kasong na desisyunan ang Korte Suprema, Navarro Vs. Ermita (G.R No. 180050) at isa sa mga huwes ay nag komento tungkol sa Political Dynasty at ito ang kanyang komento: "Political Dynasty is a "phenomenon that concentrates political power and public resources within the control of few families whose members alternately hold elective offices deftly skirting term limits".

Ang Pulitikal na Dinastiya o Political dynasty sa aktwal na praktika sa ating bansa ay ang pag mimintina ng pulitikal na kapangyarihan sa iilang pamilya o pagsasa alang-alang o pagpasa ng pulitikal na kapangyarihan sa mga kamag-anak ng isang incumbent na kandidato.  Ang ganitong sistema ng pulitika ay nakasanayan na sa bansa magmula pa noong maitatag ang Republika ng Pilipinas na kung saan ang kapangyarihang pulitikal ay nasa iilang kamay o pamilya lamang.  Pero papaano ba ito nagagawa ng iilang pamilya lamang.  Sa pamamagitan ng ekonomiyang kapangyahiran,  kontrol at manipulasyon sa likas na yaman ng bansa.  Ika nga, Kung sino ang mayaman siya ang may pinakamalaking tsansa na manalo bilang pinuno ng bansa.  Mapapansin rin natin na iilan lamang o mahigit sa nobenta porsyento ng ari-arian o likas na yaman ng bansa ay nasa sampung porsyento ng populasyon lamang at ito ay ang mga negosyante na nagiging kandidato o may kakayahang patakbuhin ang kung sino man ang gusto nitong patakbuhin sa pulitika. 

  Malaking halimbawa na dito ay ang ating pangulo na si Benigno Simeon “NoyNoy” Aquino III na galing sa iilang makapangyarihang pamilya sa bansa at nanggaling rin sa dinastiyang pulitikal na pamilya.  Nagiging posible ang ganitong sistemang pulitikal sa bansa dahil sa struktura ng pamahalaan o gobyerno natin.  Ang sitemang pulitika o straktura ng pamahalaan natin ay isang republika at unitaryong gobyerno (kumbaga, highly centralized ang ating pamahalaan).  Ang depeksyon ng sistemang ito ay mailalapat natin sa eleksyon.  Lahat tayo ay alam na bumuboto tayo ng isang kandidato, partikular na sa pagka senador sa pangkalahatan, di bale na hindi natin sila kilala, hindi man galing sa ating rehiyon, lalong-lalo na pag kilala, may maraming pera o popular ang isang kadidato ay boboto tayo.   Dito tumutubo ang isang Pulitikal na Dinastiya sa pagkat ang ating mga inahahalal na mga lider ay hindi natin mismong pinili mula sa ating pangkat rehiyon o mismong hindi natin kilala at pinili ng mula sa puso.

Ano ang alternatibong Solusyon?

Tatapusin ba natin ang Political Dynasty?  Ang ganitong tanong ay na aaply lamang sa mga unitary o may highly centralized na gobyerno.  At ito ay hindi mali ng mga tao na bumoto.   Ang mali ay nasa depekto ng isang sistemang pulitikal o struktura ng gobyerno.  Wala nang iba pang solusyon dio kung hindi System Change, People Change.  Sa madaling salita baguhin natin ang porma ng gobyerno sa Pilipinas tungo sa isang desentralisadong gobyerno o isang Pideral (Federal).  Pero sa anong pamamaraan natin tatapusin ang Political Dynasty?

Una, sa ilalim ng isang Pideral na gobyerno, magkakaroon tayo ng transformation sa lokal na pamahalaan tungo sa estado o regional state na kung saan mabibigyan ang bawat estado ng lubos na karapatan, soberanya at awtonomiya sa kanilang pulitikal, kultural, ekonomya, at hudikaturang aspeto.   Para mabigyan ng oportunidad sa pamamahala sa kanilang pulitikal na pamamahala, likas na yaman, at komunidad.

Pangalawa, sa estadong Pideral na may sariling pang-gobyernong institusyon na ang kahulugan ay malaya silang magkaroon ng sarili nilang kongreso, hudikatura at konstitusyon.

Pangatlo, magkakaroon tayo ng pagkakapantay-pantay sa representasyon sa senado na kung saan ang isang rehiyon ay hindi na kailangang bumoto ng senador sa pangkalahatang rehiyon kundi galing na mismo sa kanilang rehiyon.  Mayroon nang reserba na dalawang upuan para sa mga senador sa bawat rehiyon sa senado.  Sa ganitong paraan hindi man sagad pero mas malaki na ang puntos na hindi mahuhuli sa representasyon ang kalakhang rehiyon kumpara sa ngayon.